XAKEKO TALDEKAKO EUSKAL LIGA
(2022ko
urtarrilaren
29tik martxoaren 26ra)
Partidak 90 minutukoak dira, gehi 30 segundo gehiago
jokaldiko. Iaz denboraldi berezia izan zen koronabirusaren
pandemiagatik. Aurten berregituratu da Euskal Liga. Ohorezko Mailaz
gain, Lehenengo Maila izanen dugu, baina bi multzotan banatuta.
OHOREZKO MAILA
Azkeneko bi taldeak Lehenengo Mailara jaitsiko dira.
2022-01-29: LEHENENGO TXANDA
Zornotza (Bizkaia) (0) – Easo (Donostia, Gipuzkoa) (0): 4-0 (jokatu gabe).
San
Viator (Gasteiz, Araba) (0) – Martintxo (Gasteiz, Araba) (0):
1-3.
Abadiño (Bizkaia) (0) – Donibane Kirol Elkartea (Iruñea,
Nafarroa) (0): Momentuz, informaziorik gabe.
Gros
A (Donostia, Gipuzkoa) (0) – Calasanz
(Gasteiz, Araba) (0): 4-0 (jokatu gabe).
Conteneo (Bilbo, Bizkaia) (0) – Orvina (Iruñea, Nafarroa) (0): 2’5-1’5.
2022-02-05: BIGARREN TXANDA
Easo (Donostia, Gipuzkoa)
(0) – Orvina (Iruñea, Nafarroa) (1’5): 0-4 (jokatu gabe).
Calasanz
(Gasteiz, Araba) (0) – Conteneo
(Bilbo, Bizkaia) (2’5): 0-4 (jokatu gabe).
Donibane Kirol Elkartea (Iruñea, Nafarroa) (0) – Gros
A (Donostia, Gipuzkoa) (4):
1’5-2’5.
Martintxo (Gasteiz, Araba) (3) – Abadiño (Bizkaia) (0):
3’5-0’5.
Zornotza (Bizkaia) (4) – San Viator (Gasteiz, Araba) (1):
3-1.
SAILKAPENA
1)
Zornotza (Bizkaia) – 7 puntu.
2)
Gros A
(Donostia, Gipuzkoa) – 6’5 puntu.
3)
Conteneo
(Bilbo, Bizkaia) – 6’5 puntu.
4)
Martintxo (Gasteiz, Araba) – 6’5 puntu.
5)
Ovina (Iruñea, Nafarroa) – 5’5 puntu.
6)
San Viator (Gasteiz, Araba) – 2 puntu.
7)
Donibane Kirol Elkartea (Iruñea, Nafarroa) – 1’5 puntu.
8)
Abadiño (Bizkaia) – 0’5 puntu.
9)
Calasanz (Gasteiz, Araba) – 0 puntu.
10) Easo (Donostia, Gipuzkoa) – 0
puntu.
GROSEK OZTA-OZTA GAINDITU ZUEN DONIBANE
Euskal Ligak maila galdu du. Neurketa oso lehiatuak espero
zitezkeen, ordea. Zoritxarrez, Easo eta Calasanz garaiz kanpo utzi
dute txapelketa, dena antolatuta zegoenean. Ondorioa: Liga
ikusgarritasuna galdu du. Sestao, Batalla eta Endrokeren hutsuneak
nahiko ez balira, txanda ia guztietan bost neurketetatik hiru soilik
jokatuko dira. Espero dezagun, mahaietan, tauletan, ohiko borroka
grina izatea eta partida onak jokatzea.
Gros A txapeldunak irabazi zuen Iruñean Donibaneren aurka.
Jokalarien aldetik, maila handikoa izan zen neurketa. Zazpi jokalarik
2.000tik gorako eloa zuten eta zortzigarrena zifra horretatik oso
urrun ez zegoen. Eloen arabera, Grosek irabazi behar zuen erraz, baina
Javier Lizuain Tonik ustekabea eman zuen eta Groseko Iñigo Argandoña
azpiratuta gazta eta piperra jarri zizkion lehiari. Mikel Huergak eta
Alejandro Francok elite mailako partida jokatu zuten. Berdinketa izan
zen emaitza. Santiago Gonzalez de la Torrek eta Jose Luis Muñoz Avilak
lortu zituzten Grosentzat garaipenak, hondamendia eragozteko. Adrian
Aldave Aguado eta Miguel Argaya Urdaniz izan ziren euren aurkariak.
Martintxok uzta hobea lortu zuen Abadiñoren aurka: 3’5-0’5.
Ongi aprobetxatu zuen aurkariak talde ahula eraman izana. Aritz
Morantek Alain Prietori irabazi izana ere garrantzitsua izan zen.
Jokatu zen beste neurketa Zornotzan izan zen eta hor bertako
taldeak San Viator gainditu zuen: 3-1. Fernando Yanezek San Viatorko
Igor Villalta garaitu zuen eta taldearen garaipena erraztu zuen.
Zornotza da lider berria, baina lehenengo txandako 4 puntuko opariari
esker da. Ez dirudi Grosen aurretik geratzeko moduko taldea denik.
Dena den, orain liderra da.
Sailkapeneko beheko aldean tentsio gutxi. Abadiño gaizki hasi
da, baina jaitsiko diren taldeak zeintzuk izanen diren garbi dago:
Calasanz eta Easo. Ahalik eta posturik onena lortzeko borrokatu
beharra dago, baina hasieratik jaitsierak erabakita egoteak interesa
murrizten dio txapelketari.
2022-02-12: HIRUGARREN TXANDA
San Viator (Gasteiz,
Araba) (2) – Easo (Donostia, Gipuzkoa) (0).
Abadiño (Bizkaia) (0’5) – Zornotza
(Bizkaia) (7).
Gros A (Donostia, Gipuzkoa) (6’5) – Martintxo (Gasteiz, Araba) (6’5).
Conteneo (Bilbo, Bizkaia) (6’5) – Donibane
Kirol Elkartea (Iruñea, Nafarroa) (1’5).
Orvina (Iruñea, Nafarroa) (5’5) – Calasanz
(Gasteiz, Araba) (0).
GROS A – MARTINTXO LEHIA, INTERESGUNE NAGUSIA
Gros A – Martintxo da lehiarik interesgarriena. Nahiko ondo
hasi da Gasteizko taldea. Hala ere, Grosek bere nagusitasuna erakusten
hasi beharko luke, ondo bidean.
Conteneo – Donibane neurketak ere bere
interesa du. Gros faborito nagusia da txapelketa irabazteko, baina
podiumerako borrokan izanen dira beste taldeak.
Abadiño – Zornotza derbi bizkaitarra
Zornotzaren alde agertzen da, Abadiñok talde indartsuago aukezten ez
badu.
Informazio gehiago:
“http://chess-results.com/tnr608396.aspx?lan=2&art=3&rd=1&turdet=YES”webgunean.
LEHENENGO MAILA
Multzo bakoitzeko lehenengo sailkatuak Ohorezko Mailara igoko
dira. Multzo bakoitzeko azkeneko hirurak zuzenean jaitsiko dira
lurralde txapelketetara. Multzo bakoitzeko beste bi talde ez jaisteko
Ligaxka jokatuko dute eta Ligaxka horretatik talde bat jaitsiko da
lurralde txapelketetara.
LEHENENGO MAILAKO A MULTZOA
2022-02-05: BIGARREN TXANDA
Ortuella (Bizkaia) (1’5) – Santurtzi (Bizkaia) (1’5): 1-3.
Danubio (Miranda Ebro) (2’5) – Arrasate/Arlutz (Amorebieta, Gipuzkoa) (1’5):
2-2.
Egidazu/Landetxo
(Gasteiz,
Araba) (2’5) – Getxo (Bizkaia) (1’5): 2’5-1’5.
SAILKAPENA
1)
Egidazu/Landetxo (Gasteiz, Araba) – 5 puntu.
2)
Danubio
(Miranda Ebro) – 4’5 puntu.
3)
Arrasate/Arlutz
(Amorebieta, Gipuzkoa) – 4’5 puntu.
4)
Santurtzi (Bizkaia) – 4’5 puntu.
5)
Getxo (Bizkaia) – 3 puntu.
6)
Ortuella (Bizkaia) – 2’5 puntu.
ARRASATE/ARLUTZ-EK BERDINDU EGIN ZUEN DANUBIOREN
AURKA
Danubio eta Arrasate/Arlutz dira hautagai nagusiak Ohorezko
Mailara igotzeko. Talde sendoa jarri zuen Danubiok neurketa
garrantzitsu horretan, baina Asier Etxagibel gai izan zen 2.346ko
eloko Fermin Gonzalez Velezekin berdintzeko eta Aitor Alcaideren
garaipenarekin eta Antonio Miguel Quinteroren berdinketarekin batera
Arrasate/Arlutz-ek 2-2ko emaitza erdietsi zuen. Borrokan segitzen du
talde gipuzkoarrak.
Egidazu/Landetxok jaso zuen Getxo Gasteizen eta erakutsi zuen
bera ere kontuan hartzeko taldea dela: 2’5-1’5 irabazi zuen. Sei
taldeetatik hiru jaitsiko dira zuzenean lurralde txapelketetara.
Baliteke Egidazu eta Getxoren artean jaitsiera zuzen hori saihesteko
aukera emanen duen hirugarren postuarengatik borroka egitea. Beraz,
garrantzia dauka emaitza honek.
Santurtzik 1-3 irabazi zuen Ortuellan. Bi txanda besterik ez
da jokatu eta dagoeneko Ortuella jaisteko hautagai argia da.
2022-02-12: HIRUGARREN TXANDA
Getxo
(Bizkaia) (3) – Ortuella
(Bizkaia) (2’5).
Arrasate/Arlutz (Amorebieta, Gipuzkoa) (3’5) – Egidazu/Landetxo
(Gasteiz,
Araba) (5).
Santurtzi (Bizkaia) (4’5) – Danubio (Miranda Ebro) (4’5).
ARRASATE/ARLUTZ-EK EGIDAZU/LANDETXO IZANEN DU
AURREZ AURRE
Arrasate/Arlutz – Egidazu/Landetxo lehia da orekatuena
teorian. Gipuzkoarrak dira faborito, baina Egidazu/Landetxo da oraingo
liderra.
Santurtzik Danubio hartuko du eta saiatuko da zerbait
lortzen, jaitsiera saihesteari begira. Zaila izanen du, gora begira
baitago Danubio.
Getxok Ortuellari irabazi beharko luke Bizkaiko derbian.
Informazio gehiago:
“http://chess-results.com/tnr608394.aspx?lan=2&art=3&rd=1”
webgunean.
LEHENENGO MAILAKO B MULTZOA
2022-02-05: BIGARREN TXANDA
Gros B (Donostia, Gipuzkoa) (1’5) –
Zugzwang (Urnieta, Gipuzkoa) (0’5): 2-2.
Alfil
(Beasain, Gipuzkoa) (0) – Oberena
(Iruñea, Nafarroa) (2’5): 1-3.
Zarautz
(Gipuzkoa) (0) – Mikel
Gurea
(Burlata, Nafarroa) (4): 1-3.
Atsedena (0): Marlaxka (Hondarribia, Gipuzkoa) (3’5).
SAILKAPENA
1)
Mikel Gurea (Burlata, Nafarroa) – 7 puntu.
2)
Oberena
(Iruñea, Nafarroa) – 5’5 puntu.
3)
Marlaxka
(Hondarribia, Gipuzkoa) – 3’5 puntu.
4)
Gros B (Donostia, Gipuzkoa) – 3’5 puntu.
5)
Zugzwang (Urnieta, Gipuzkoa) – 2’5 puntu.
6)
Zarautz (Gipuzkoa) – Puntu bat.
7)
Alfil (Beasain, Gipuzkoa) – Puntu bat.
MIKEL GUREA ETA OBERENA AURRERATU DIRA
Talde nafarrak ondo ari dira multzo honetan orain arte eta
Gros B atzean geratu da. Ezin da igo, Gros A Ohorezko Mailan
dagoelako, baina ez zegoen jaisteko hautagaien artean. Multzoko
berdintasunak jar dezake ataka horretan. Urnietako Zugzwang taldearen
aurka 2-2 egin zuen. Jon Argandoña Riveiro eta Christian Sanchez
Merino izan ziren Groseko garaileak. Urnietakoentzat puntuak batu
zituzten Luis Angel Ortega Fuentesek eta Felix Manso Marquezek.
Mikel Gureak sendo segitzen du. Zarautz taldeari 1-3 irabazi
zion eta dagoeneko 7 puntuz dabil, bi txandaren ondoren. Daniel Pinto
Holguin, Adrian Oroz Carrasco eta Iker Fernandez Cobos jokalariek
irabazi zuten. Batez ere ona Iker Fernandez Cobosen emaitza, elo
gehiagoko Bingen Urbieta Aldalur gainditu baitzuen. Aldiz, Aritz
Manchak galdu zuen Zarautzeko Aitor Duo Iruretagoyenaren aurka,
faboritoa izan arren.
Oberenak ez zuen bere talderik onena eraman Beasainera,
baina, hala ere, 1-3 irabazi zion Alfil taldeari. Javier Habansek eta
Martin Pascual Garciak irabazi zuten lehenengo bi mahaietan eta Dani
Odriozola Coscolin supergaztetxoak (10 urte ditu) laugarren mahaian
(1.892ko eloko Oscar Diez Vieraren aurka). Joseba Izquierdo Arruferiak
lortu zuen ohorezko puntua Alfilentzat.
Dagoeneko Mikel Gurea (7 puntu) eta Oberena (5’5) aurreratu
dira eta nahiko atzean utzi dituzte gainontzeko taldeak (Marlaxka ez
hain urruti, dagoeneko atsedena egin baitu).
2022-02-12: HIRUGARREN TXANDA
Oberena (Iruñea, Nafarroa) (5’5) – Zarautz
(Gipuzkoa) (1).
Zugzwang (Urnieta, Gipuzkoa) (2’5) –
Alfil (Beasain, Gipuzkoa) (1).
Marlaxka
(Hondarribia,
Gipuzkoa) (3’5) – Gros B
(Donostia, Gipuzkoa) (3’5).
Atsedena (0): Mikel
Gurea (Burlata, Nafarroa) (7).
MARLAXKA – GROS B, TALDE BAKOITZAREN HELBURUAK
ZEHAZTEKO
Liderrak atsedena hartuko du eta Oberena etxean faborito da
Zarautzen aurka. Horrexegatik, gipuzkoarren arteko derbiek erakartzen
dute interes nagusia. Batez ere Hondarribian jokatuko dena. Bi taldeak
gora begira jartzeko asmoa dute, baina galtzaileak jaitsiera sahiestea
bihurtuko du helburu. Zugzwang – Alfil lehia nolabait antzekoa da.
Gora begira jarriko da garaile eta behera begira galtzailea.
Informazio gehiago:
“http://chess-results.com/tnr608395.aspx?lan=2&art=3&rd=1”
webgunean.
2022-02-05.
Iturria: “Ajedrezvasco.com” webgunea.