XAKEKO TALDEKAKO EUSKAL LIGA
(2022ko
urtarrilaren 29tik martxoaren 26ra)
Partidak 90 minutukoak dira, gehi 30 segundo gehiago
jokaldiko. Iaz denboraldi berezia izan zen koronabirusaren
pandemiagatik. Aurten berregituratu da Euskal Liga. Ohorezko Mailaz
gain, Lehenengo Maila izanen dugu, baina bi multzotan banatuta.
OHOREZKO MAILA
Azkeneko bi taldeak Lehenengo Mailara jaitsiko dira.
2022-02-12: HIRUGARREN TXANDA
San
Viator (Gasteiz, Araba) (2) – Easo (Donostia, Gipuzkoa) (0): 4-0 (jokatu gabe).
Abadiño (Bizkaia) (0’5) – Zornotza
(Bizkaia) (7): 1’5-2’5.
Gros
A (Donostia, Gipuzkoa) (6’5) – Martintxo (Gasteiz, Araba) (6’5): 3’5-0’5.
Conteneo (Bilbo,
Bizkaia) (6’5) – Donibane Kirol Elkartea (Iruñea, Nafarroa) (1’5):
2’5-1’5.
Orvina
(Iruñea,
Nafarroa) (5’5) – Calasanz (Gasteiz, Araba) (0): 4-0
(jokatu gabe).
SAILKAPENA
1)
Gros A (Donostia, Gipuzkoa) – 10 puntu.
2)
Zornotza
(Bizkaia) – 9’5 puntu.
3)
Orvina (Iruñea, Nafarroa) – 9’5 puntu.
4)
Conteneo (Bilbo, Bizkaia) – 9 puntu.
5)
Martintxo (Gasteiz, Araba) – 7 puntu.
6)
San Viator (Gasteiz, Araba) – 6 puntu.
7)
Donibane Kirol Elkartea (Iruñea, Nafarroa) – 3 puntu.
8)
Abadiño (Bizkaia) – 2 puntu.
9)
Calasanz (Gasteiz, Araba) – 0 puntu.
10) Easo (Donostia, Gipuzkoa) – 0
puntu.
GROS TITULURAKO BIDEAN
Grosek berretsi zuen hautagai nagusia dela. Martintxo liderra
zanpatu zuen (3’5-0’5) eta dagoeneko oso atzean utzi du. Aritz
Morantek lortu zuen meritu handiko berdinketa Alejandro Francoren
aurka, baina gainontzeko tauletan nagusitu ziren Grosekoak,
pronostikoak betez. Santiago Gonzalez De la Torre, Jose Luis Muñoz
Avila eta Eduardo Sanz Perez izan ziren Grosentzat garaipena lortu
zutenak. Rodrigo De las Heras, Hugo Pelegrin eta Alberto Garcia San
Martin izan ziren Martintxoko xakelari garaituak.
Zornotza da Grosen aurkari nagusia orain, nahiz eta bigarren
postu hori engainagarria izan daitekeen, jokatu gabe behin lau puntuak
eskuratu zituelako eta horrela sailkapenean ongi kokatu. Abadiñok
talde fidagarriagoa jarri zuen aurreko txandan baino. Galdu egin zuen,
hala ere, eta Zornotzak goi-goian segitzen du. Abadiñoko Yeray
Galzagorriren itzulera izan zen azpimarragarriena, baina bere
berdinketa eta Alain Prietoren garaipena ez ziren nahikoa izan porrota
saihesteko. Jon Asel Goiria Egidazu eta Jesus Unzueta Romero izan
ziren Zornotzako garaileak.
Conteneok gainditu zuen Donibane (2’5-1’5) eta hobeto kokatu
da podiuma egiteko. Mikel Huergak puntu bat lortu zuen
Donibanerentzat, baina Carlos Varasek eta Fernando Valdezatek eman
zioten garaipena Conteneori.
2022-02-19: LAUGARREN TXANDA
Easo (Donostia, Gipuzkoa)
(0) – Calasanz (Gasteiz, Araba) (0).
Donibane Kirol Elkartea (Iruñea, Nafarroa) (3) – Orvina
(Iruñea, Nafarroa) (9’5).
Martintxo (Gasteiz, Araba) (7) – Conteneo (Bilbo, Bizkaia) (9).
Zornotza (Bizkaia) (9’5) – Gros A (Donostia, Gipuzkoa) (10).
San Viator (Gasteiz, Araba) (6) – Abadiño (Bizkaia) (2).
ZORNOTZA – GROS A, GAILURREAN BORROKA
Lau neurketa jokatuko dira asteburu honetan, eskertzekoa
dena. Zornotza – Gros da lehiarik interesgarriena. Lehenengo biak
aurrez aurre. Gros da faborito argia, hala ere.
Martintxo – Conteneo lehia ere ongi dago. Grosek ziur aski
txapelketa irabaziko du, baina podiumeko postuetarako hautagai ugari
daude.
Donibane – Orvina lehiak ere bere gatza eta piperra dauka.
Derbia da. Indarra galdu dute bi taldeek baina hala ere maila ona
izanen da mahaietan.
San Viator – Abadiño lehian orain arte talderik ahulenak
izanen dira. Ea zein den onena haien artean!
Informazio gehiago:
“http://chess-results.com/tnr608396.aspx?lan=2&art=3&rd=1&turdet=YES”webgunean.
LEHENENGO MAILA
Multzo bakoitzeko lehenengo sailkatuak Ohorezko Mailara igoko
dira. Multzo bakoitzeko azkeneko hirurak zuzenean jaitsiko dira
lurralde txapelketetara. Multzo bakoitzeko beste bi talde ez jaisteko
Ligaxka jokatuko dute eta Ligaxka horretatik talde bat jaitsiko da
lurralde txapelketetara.
LEHENENGO MAILAKO A MULTZOA
2022-02-12: HIRUGARREN TXANDA
Getxo
(Bizkaia) (3) – Ortuella
(Bizkaia) (2’5): Informaziorik gabe.
Arrasate/Arlutz (Amorebieta, Gipuzkoa) (4’5) – Egidazu/Landetxo
(Gasteiz,
Araba) (5):
Informaziorik gabe.
Santurtzi (Bizkaia) (4’5) – Danubio
(Miranda Ebro) (4’5):
Informaziorik gabe.
SAILKAPENA
1)
Egidazu/Landetxo (Gasteiz, Araba) – 5 puntu.
2)
Danubio
(Miranda Ebro) – 4’5 puntu.
3)
Arrasate/Arlutz
(Amorebieta, Gipuzkoa) – 4’5 puntu.
4)
Santurtzi (Bizkaia) – 4’5 puntu.
5)
Getxo (Bizkaia) – 3 puntu.
6)
Ortuella (Bizkaia) – 2’5 puntu.
2022-02-19: LAUGARREN TXANDA
Getxo
(Bizkaia) (3) – Arrasate/Arlutz
(Amorebieta, Gipuzkoa) (3’5).
Ortuella (Bizkaia) (2’5) – Danubio
(Miranda Ebro) (4’5).
Egidazu/Landetxo (Gasteiz, Araba) (5) – Santurtzi (Bizkaia) (4’5).
Informazio gehiago:
“http://chess-results.com/tnr608394.aspx?lan=2&art=3&rd=1”
webgunean.
LEHENENGO MAILAKO B MULTZOA
2022-02-12: HIRUGARREN TXANDA
Oberena (Iruñea,
Nafarroa) (5’5) – Zarautz (Gipuzkoa) (1): 2’5-1’5.
Zugzwang (Urnieta,
Gipuzkoa) (2’5) – Alfil (Beasain,
Gipuzkoa) (1): 3-1.
Marlaxka
(Hondarribia,
Gipuzkoa) (3’5) – Gros B
(Donostia, Gipuzkoa) (3’5): 2-2.
Atsedena (0): Mikel
Gurea (Burlata, Nafarroa) (7).
SAILKAPENA
1)
Oberena (Iruñea, Nafarroa) – 8 puntu.
2)
Mikel
Gurea (Burlata, Nafarroa) – 7 puntu.
3)
Marlaxka
(Hondarribia, Gipuzkoa) – 5’5 puntu.
4)
Zugzwang (Urnieta, Gipuzkoa) – 5’5 puntu.
5)
Gros B (Donostia, Gipuzkoa) – 5’5 puntu.
6)
Zarautz (Gipuzkoa) – 2’5 puntu.
7)
Alfil (Beasain, Gipuzkoa) – 2 puntu.
OBERENA, LIDER BERRIA
Oberenak Mikel Gurearen atsedena aprobetxatu zuen lidergoa
hartzeko. Atsedena eta guzti, Mikel Gurea bigarrena da. Horrek
erakusten du talde nafarren nagusitasuna orain arte.
Oberenak ez zuen bere talderik onena jarri, baina bai talde
lehiakorra. Eta lortu zuen Zarautz gainditzea (2’5-1’5). Oberenako
Pedro Viñalek berdinketa egin zuen Erik Juezekin lehenengo mahaian.
Aimer Del Carmenek eta Daniel Mugicak lortu zituzten garaipenak
Oberenarentzat eta Jordi Figuerasek puntu bat batu zuen Zarautzentzat.
Marlaxka – Gros B lehia interes handikoa zen, talde
bakoitzaren helburua definitzeko. Berdinketak ez du ezer argitu. Gora
begira eta behera begira segituko dute biek momentuz. Groseko Aritz
Abaliak garaitu zuen Josu Tornay, baina Marlaxkako Rodolfo Krugek
Elisabet Ruizi irabazi zion eta berdinketa ezarri zen. Beste bi
partidak garailerik gabe bukatu ziren. Lehenengo mahaian Marlaxkako
Patxi Moreno Estebanez eta Groseko Nathaniel Capote aurrez aurre izan
ziren lehenengo begiradan partida oso interesgarrian. Berdindu egin
zuten.
Urnietako Zugzwang-ek Beasaingo Alfil gainditu zuen beste
derbi gipuzkoarrean: 3-1. Felix Mansok, Javier Corralek eta Jon
Esturok puntua irabazi zuten Urnietakoentzat eta Alfilentzat Asier
Lakunzak irabazi zuen. Alfil jaisteko hautagai argi moduan geratu da.
2022-02-19: LAUGARREN TXANDA
Alfil
(Beasain, Gipuzkoa) (2) – Marlaxka (Hondarribia, Gipuzkoa) (5’5).
Zarautz
(Gipuzkoa) (2’5) – Zugzwang
(Urnieta, Gipuzkoa) (5’5).
Mikel
Gurea (Burlata, Nafarroa) (7) – Oberena
(Iruñea, Nafarroa) (8).
Atsedena
(0): Gros B (Donostia,
Gipuzkoa) (5’5).
MIKEL GUREA – OBERENA, SUA PIZTEKO TXINPARTEN
ARRISKUAN
Mikel Gurea eta Oberena aurrez aurre izanen dira. Kirol
lehiaz aparte, une honetan aurkakotasun handia dutenez, txinpartak
ateratzea aurreikus daiteke. Zein talde igoko den erabaki daiteke
neurketa honetan.
Marlaxka Beasainen eta Zugzwang Zarautzen saiatuko dira
sailkapeneko burura hurbiltzen. Bertako taldeak jaitsierarantz beste
pauso bat ematea sahiesten ahaleginduko dira.
Gros B burutik urrunduko da momentuz, atsedena egokitu
zaiolako.
Informazio gehiago:
“http://chess-results.com/tnr608395.aspx?lan=2&art=3&rd=1”
webgunean.
2022-02-19.
Iturria: “Ajedrezvasco.com” webgunea.