XAKEKO TALDEKAKO EUSKAL LIGA

(2023ko urtarrilaren 14tik martxoaren 11ra)

Partidak 90 minutukoak dira, gehi 30 segundo gehiago jokaldiko.

OHOREZKO MAILA

Azkeneko bi taldeak Lehenengo Mailara jaitsiko dira.

2023-02-25: ZAZPIGARREN TXANDA

Donibane Kirol Elkartea (Iruñea, Nafarroa) (0) – Gros A (Donostia, Gipuzkoa) (15): Jokatu gabe.

Martintxo A (Gasteiz, Araba) (11’5) – Abadiño (Bizkaia) (11’5): 0’5-3’5.

Marlaxka (Hondarribia, Gipuzkoa) (9) – Orvina A (Iruñea, Nafarroa) (12): 3-1.

Conteneo (Bilbo, Bizkaia) (9’5) – San Viator (Gasteiz, Araba) (9’5): 1-3.

Zornotza (Bizkaia) (8) – Arrasate/Arlutz (Aretxabaleta, Gipuzkoa) (10): 2-2.

M.	5	Martintxo A	Elo	-	3	Abadino	Elo	½ :3½
1.1		Pelegrin Gomez Hugo	2093	-	FM	Prieto Aranguren Alain	2272	0 - 1
1.2		Palomo Ortega Jose Maria	1907	-		Lagos Lejarraga Jon	2090	0 - 1
1.3		De Las Heras Figueroa Rodrigo	1985	-		Martin Echeandia Ibon	2003	½ - ½
1.4		Martin Mas Juan	0	-		Calvo Gomez Unai	1814	0 - 1
M.	6	Hondarribia Marlaxka	Elo	-	2	Orvina A	Elo	3 : 1
2.1		Moreno Estebanez Patxi	2225	-	FM	Ortega Lopez Mikel	2241	1 - 0
2.2		Tornay Gomez Josu	1999	-		Soriano Ascaso Ignacio	2125	½ - ½
2.3	CM	Herrera Ortega German Alejandro	2082	-		Leone Amigot Haymar	2042	½ - ½
2.4		Tafall Villanueva Ander	2050	-		Ruiz Anton Adolfo	1493	1 - 0
M.	7	Conteneo	Elo	-	1	San Viator	Elo	1 : 3
3.1		Toledo Sanz Imanol	2206	-	FM	Astasio Lopez David	2371	0 - 1
3.2	FM	Grigorchuk Sergey	2164	-		Villalta Bustillo Igor	2232	0 - 1
3.3		Sadusea Johnny Fernando	2086	-		Zubizarreta Riego Mikel	1989	1 - 0
3.4	WFM	Parkhurst Casas Miriam	1933	-		Rodal Bonet Xoan	1944	0 - 1
M.	8	Zornotza	Elo	-	9	Arrasate	Elo	2 : 2
4.1		Yanez Vargas Fernando	2185	-	FM	Miguel Quintero Francisco	2270	1 - 0
4.2		Padilla Cabero Pablo	2121	-		Etxagibel Larranaga Asier	2144	0 - 1
4.3		Diez Fraile David	2072	-		Alcaide Luque Aitor	2100	1 - 0
4.4		Goiria Egidazu Jon Asel	2042	-		Hernando Casas Jose Manuel	1940	0 - 1

SAILKAPENA

1) Gros A (Donostia, Gipuzkoa) – 15 puntu.

2) Abadiño (Bizkaia) – 15 puntu.

3) Orvina A (Iruñea, Nafarroa) – 13 puntu.

4) San Viator (Gasteiz, Araba) – 12’5 puntu.

5) Marlaxka (Hondarribia, Gipuzkoa) – 12 puntu.

6) Martintxo A (Gasteiz, Araba) – 12 puntu.

7) Arrasate/Arlutz (Aretxabaleta, Gipuzkoa) – 12 puntu.

8) Conteneo (Bilbo, Bizkaia) – 10’5 puntu.

9) Zornotza (Bizkaia) – 10 puntu.

10) Donibane Kirol Elkartea (Iruñea, Nafarroa) – 0 puntu.

ORVINAK HUTS EGIN ZUEN BAINA ABADIÑOK EZ

Gros faborito garbia zen Euskal Liga irabazteko eta oraindik hala da, baina aurten ez ditu aurkariak birrindu. Puntuak batu bai, baina azeleragailua zapaldu gabe. Nahikoa izan da Abadiñok garaipen argia lortzea Gasteizen, Martintxoren aurka (0’5-3’5) Liga nahasteko. Bi txanden faltan Gros eta Abadiño berdinduta daude. Oraindik zertxobait hobeto kokatuta dago, egutegiari begira, eta dituen jokalariak kontuan hartuta, baina Liga ez dago inondiki inora erabakita.

Orvina ere titulurako borroka sar zitekeen, aukera askorekin. Lehenengo aldiz talde nafar batek irabaziko zuen Euskal Liga. Baina talderik onena ez zuen eraman Hondarribira eta ordaindu egin zuen. Ustekabean, Marlaxkak 3-1 irabazi zion eta bi oilarrengandik 2 puntura geratu da.

Marlaxkako Patxi Moreno Estebanez eta Orvinako Mikel Ortega Lopezen artean ez dago alde handirik, eloari dagokionez. Hondarribiakoak irabazi zuen eta bere taldeak horren onura atera zuen, mailari eusteari begira. Kaltea Orvinarentzat izan zen, jakina. Ignacio Soriano Ascaso, Haymar Leone Amigot eta Adolfo Ruiz Anton bera baino ahulagoak ziren (nolabait Unai Garbisu, Pablo Urriza eta Sergio Navarrete ordezkatzen zituzten), eta taldeak ezin izan zuen porrota ekidin. Ignacio Sorianok Josu Tornay-rekin berdindu zuen (eloko 126 puntu gehiago zituen Orvinakoak); Haymar Leonek ere berdindu zuen German Alejandro Herrera Ortegaren aurka (eloko 40 puntu gehiago zuen gipuzkoarrak); Adolfo Ruiz Antonek galdu zuen Ander Tafall Villanuevaren kontra (hori ez zen harrigarria, izan Marlaxkakoak eloko 557 puntu gehiago baitzituen). Orvinaren porrota eta, gainera, argia: 3-1. Porrot honekin oso zail du Orvinak Liga irabaztea, baina auskalo! Ustekabe gehiago gerta daitezke.

San Viatorrek 1-3 irabazi zion Conteneori. David Astasiok ziurtatu zuen puntua lehenengo mahaian eta Igor Villalta Bustillok bigarrenean. Johnny Saduseak irabazi zuen puntua bilbotarrentzat, baina laugarren mahaian Xoan Rodal Bonetek irabazi zion Miriam Parkhursti. San Viator mantentzeko gai agertzen da eta Conteneok arazoak izanen ditu Martintxo gainditzeko (jaisteko beste hautagai argia).

Zornotza eta Arrasate berdindu zuten. Ez da nahikoa izan gipuzkoarrentzat ezta bizkaitarrentzat ere. Ozta-ozta eus diezaiokete mailari, baina huts egiteko tarterik gabe daude.

2023-03-04: ZORTZIGARREN TXANDA

Arrasate/Arlutz (Aretxabaleta, Gipuzkoa) (12) – Donibane Kirol Elkartea (Iruñea, Nafarroa) (0).

San Viator (Gasteiz, Araba) (12’5) – Zornotza (Bizkaia) (10).

Orvina A (Iruñea, Nafarroa) (13) – Conteneo (Bilbo, Bizkaia) (10’5).

Abadiño (Bizkaia) (15) – Marlaxka (Hondarribia, Gipuzkoa) (12).

Gros A (Donostia, Gipuzkoa) (15) – Martintxo A (Gasteiz, Araba) (12).

GOIAN ETA BEHEAN, LIGA BERO-BERO

Abadiñok Marlaxka jasoko du eta Grosek Martintxo. Teorian, errazagoa du Grosek, baina puntuen premia handia duten bi taldeak izanen dira aurrez aurre. Martintxorentzat azkeneko neurketa da eta, beraz, jaisteko arrisku handian dago. Marlaxkak, Orvinaren aurka balentria egin ondoren, nahikoa du txanda honetan Martintxok baino puntu erdi gehiago ateratzea. Kontuz: Azkeneko txandan ez du atsedenik hartuko baina Liga jokoan izan dezakeen Gros izanen du aurrez aurre. Conteneo izanen da Abadiñoren azken arerioa, Grosek aprobetxatu behar du larunbateko ihardunaldia.

Orvinak Conteneo jasoko du, jaisteko arrisku handia duen taldea (Orvina eta Abadiño ditu zain). Ongi hausnartu beharko du Iruñeko taldeak nola utzi dion tituluari ihes egiten. Ez du erraza izanen, baina 4-0 irabaztea izan behar du helburu. Zornotza, beheko borrokan sartutako taldea izanen da bere azken aurkaria.

San Viator – Zornotza ere lehia garrantzitsua da. Hasiera batean, berdinketa emaitza ona da bientzat, baina hori ezin da programatu. San Viator ongi dago orain baina beheko beste bat du gero (Arrasate). Dena den, oso gaizki egin behar du jaisteko. Zornotzak puntuak behar ditu. Martintxo, Arrasate edo Conteneo gainditu behar du eta Orvinaren aurka bukatuko du Liga.

Liga beheko aldean oso interesgarria dago. Bost talde borrokan ari dira jaitsierako postu bat saihesteko. Martintxok txartel gehien duena da baina sprint honetan huts egiten duenak ordainduko du.

Eta goitik ere bero-bero dago Liga. Bi talde berdinduta eta Orvina bi puntura (aukera gutxirekin baina hor dago).

Informazio gehiago: “https://ajedrezvasco.com/vercuadro12.php?f=torneos/230114EusktchDH.txt”, “http://www.xake.net/2023-fva/2023_LV-EL_DH.html” eta “http://chess-results.com/tnr718785.aspx?lan=2&turdet=YES” webguneetan.

LEHENENGO MAILA

Lehenengo bi taldeak Ohorezko Mailara igoko dira. Azkeneko lau taldeak Lurralde Txapelketetara jaitsiko dira.

2023-02-25: ZAZPIGARREN TXANDA

Gros B (Donostia, Gipuzkoa) (10) – Danubio (Miranda Ebro) (6’5): 4-0.

Martintxo B (Gasteiz, Araba) (7) – Calasanz (Gasteiz, Araba) (12): 2-2.

Egidazu (Gasteiz, Araba) (9’5) – Orvina B (Iruñea, Nafarroa) (12): 1-3.

Portugalete (Bizkaia) (19’5) – Oberena (Iruñea, Nafarroa (15’5): 4-0.

Mikel Gurea (Burlata, Nafarroa) (9’5) – Santurtzi (Bizkaia) (14’5): 0’5-3’5.

M.	4	Gros B	Elo	-	10	Danubio	Elo	4 : 0
1.1		Odriozola Coscolin Alex	2074	-		Gonzalez Martinez Miguel Angel	2186	1 - 0
1.2		Lakunza Oyarbide Juan Carlos	2029	-		Fernandez Ordinola Eduardo	1671	1 - 0
1.3		Zuloaga Erauskin Markel	2001	-		Munoz Gonzalez Lucia	0	1 - 0
1.4		Larranaga Juaristi Alexander	1963	-		Fernandez De Aranguiz Cano Adrian	0	1 - 0
M.	5	Martintxo B	Elo	-	3	Calasanz	Elo	2 : 2
2.1		Pomares Munoz Ruben	1842	-		Pena Duarte Fabian Dario	2188	1 - 0
2.2		Dominguez Exposito Ibon	1908	-		Moyano Morales Francisco Javier	2215	0 - 1
2.3		Khoroshykh Yaroslav	1704	-		Knorr Jarillo Jose	2183	1 - 0
2.4		Ghorbanzadeh Pedram	1743	-		Gallastegi De La Fuente Igor	1857	0 - 1
M.	6	Egidazu	Elo	-	2	Orvina B	Elo	1 : 3
3.1		Arnal Iturgaitz Aitor	2019	-		Jimenez Martin Gustavo	2092	1 - 0
3.2		Ladron De Guevara Galar Francisco Javier	2025	-		Sevilla Subiza Javier	2081	0 - 1
3.3		Landa Ceballos Jose Antonio	2019	-		Montoya Irigoyen Inigo	2070	0 - 1
3.4		Alvarez De Arcaya Esquide Carlos Javier	1846	-		Cinza Lopez Javier	1871	0 - 1
M.	7	Portugalete	Elo	-	1	Oberena	Elo	4 : 0
4.1		Perez Pacheco Ricardo	2152	-		Pascual Garcia Martin	2017	1 - 0
4.2		Barbazan Bilbao Xabier	2120	-		Del Carmen Hernandez Aimer	2000	1 - 0
4.3		Ruiz Abad Juan Manuel	2171	-		Garjon Modrego Miguel	1865	1 - 0
4.4		Perez Fernandez Modesto	2121	-		Sempere Gomis Andres Valentin	1732	1 - 0
M.	8	Mikel Gurea	Elo	-	9	Santurtzi	Elo	½ :3½
5.1		Oroz Carrasco Adrian	1999	-		Zubizarreta Landera Amets	2030	½ - ½
5.2		Vazquez Alonso Adrian	1956	-		Curiel Garcia Christian	1987	0 - 1
5.3		Fernandez Cobos Iker	1648	-		Wu Martin Eneko	2020	0 - 1
5.4		Esparza Toni Aitor	1707	-		Zubizarreta Landera Denis	1566	0 - 1

2023-02-26: SEIGARREN TXANDA

Danubio (Miranda Ebro) (6’5) – Mikel Gurea (Burlata, Nafarroa) (10): 0-4.

M.	10	Danubio	Elo	-	8	Mikel Gurea	Elo	0 : 4
1.1		Omella Sieso Cesar	1900	-	FM	Pinto Holguin Daniel	2269	0 - 1
1.2		Marquinez Cabrejas Francisco J.	1857	-		Oroz Carrasco Adrian	1999	0 - 1
1.3		Artiguez Alvarez Gorka	1842	-		Sanchez Iglesias Jose Manuel	1921	0 - 1
1.4		Almansa Ortega Diego	1535	-		Fernandez Cobos Iker	1648	0 - 1

SAILKAPENA

1) Portugalete (Bizkaia) – 23’5 puntu.

2) Santurtzi (Bizkaia) – 18 puntu.

3) Oberena (Iruñea, Nafarroa) – 15’5 puntu.

4) Orvina B (Iruñea, Nafarroa) – 15 puntu.

5) Gros B (Donostia, Gipuzkoa) – 14 puntu.

6) Mikel Gurea (Burlata, Nafarroa) – 14 puntu.

7) Calasanz (Gasteiz, Araba) – 14 puntu.

8) Egidazu (Gasteiz, Araba) – 10’5 puntu.

9) Martintxo B (Gasteiz, Araba) – 9 puntu.

10) Danubio (Miranda Ebro) – 6’5 puntu.

PORTUGALETE ETA SANTURTZI OHOREZKO MAILARAKO BIDEAN

Portugalete txapelketa izugarria egiten ari da. Oberena bigarren sailkatuari 4-0 irabazi zion zazpigarren txandan. Hirugarren postuan kokatu du, zortzi puntura. Beraz, bi txanda jokatu gabe daudenean, Portugalete matematikoki Ohorezko Mailara igo da.

Oberenak ez zituen bere jokalaririk indartsuenak jarri (Portugalete, antza denez, Iruñetik urrun dago, eta horrek atzerarazten ditu jokalariak). Oberenak hori ordaindu zuen. Horrek ez du erran nahi Portugaleteren garaipena meriturik gabekoa denik, indartsuenak ez bidalita ere, Oberenak beti baititu jokalari onak. Hobeak ziren jokalari bizkaitarrak, ordea, eta, gainera, ez zuten hutsik egin.

Ricardo Perez Pachecok Martin Pascual Garcia gainditu zuen. Xabier Barbazan Bilbaok Aimer Del Carmen Hernandez menperatu zuen. Juan Manuel Ruiz Abadek Miguel Garjon Modrego garaitu zuen. Modesto Perez Fernandezek Valentin Semper Gomisi irabazi zion. Horrelako emaitzarekin, txanpaina ateratzeko moduan geratu zen Portugalete.

Santurtzik ongi aprobetxatu zuen Oberenaren hutsa. 0’5-3’5 irabazi zion Mikel Gureari Burlatan. Ziur aski, Portugaleterekin batera igoko da Ohorezko Mailara. Bi talde bizkaitar gehiago maila gorenean.

Hirugarren mahaia izan zen azkeneko emaitzaren giltzarria. Mikel Gureako Iker Fernandez Cobosek abantaila hartu zuen, baina Eneko Wu Martinek posizioa nahastu zuen eta azkenean berak eraman zuen puntua. Laugarren mahaian Santurtziko Denis Zubizarretak posizio hobea hartu zuen Aitor Esparza Toniren aurrean. Estutu eta azkenean bere defentsa suntsitu zuen. Eloaren arabera, hauxe zen Mikel Gureak puntua eskuratzeko onena, baina bertan ere ezin. Bigarren mahaian, Christian Curiel Garciak peoi bat hartu zion Mikel Gureako Adrian Vazquez Alonsori. Ez zen bukaera erraza, baina ongi bideratu zuen. Adrian Oroz Carrasco izan zen Mikel Gurean ohorearen salbatzailea. Hori bai, ozta-ozta lortu zuen berdinketa Amets Zubizarreta Landeraren aurka: Alfila gaztelua eta peoiaren aurka, baina posizioa ongi defendatu zuen.

Emaitza honekin Santurtzik sailkapenean hartu duen abantaila erabakigarria dirudi, igotzeari begira. Mikel Gurea ia jaitsita zegoen, baina hurrengo egunean seigarren txandako neurketa atzeratua jokatu zuen Danubioren aurka eta 0-4ko emaitzak bizirik mantendu du.

Danubio, ordea, ia matematikoki jaitsita dago. Ez guztiz, baina bi txandaren faltan salbaziotik 7’5 puntura egonik, kondenatua dirudi. Larunbatean ere 4-0 galdu zuen, Gros B-ren aurka.

Orvina B-k ez du erraza salbatzea, baina Gasteizen arnasa hartu zuen Egidazu-ri 1-3 irabazita. Aitor Arnal Iturgaitz izan zen bertako taldeko garailea, Gustavo Jimenez Martinen aurka. Javier Sevilla Subizak, Iñigo Montoya Irigoyenek eta Javier Cinza Lopezek puntua eskuratu zuten Orvinarentzat. Orvinaren lehiakortasuna berriz agerian geratu zen. Egidazuk etorkizun iluna du, ordea.

Derbi arabarrean, Martintxo B-k korapilatu zuen Calasanzen egoera. 2-2 izan zen emaitza. Gutxitxo Martintxorentzat. Calasanzentzat, ordea, emaitza arriskutsua. Berriz, jaitsiera saihesteko borrokan erabat sartuta geratu da. 1.842ko Ruben Pomares Muñozek Calasanzeko figura gainditu zuen (Fabian Dario Pena Duarte, 2.188). 1.704ko Yaroslav Khoroshykh-ek 2.183ko Jose Knor Jarillo garaitu zuen. Bi porrot horiek Calasanzen egoera kili-kolo utzi dute. Martintxo B-k galdu zuen beste bi mahaietan eta salbazioa 3’5 puntura dauka.

2023-03-04: ZORTZIGARREN TXANDA

Danubio (Miranda Ebro) (6’5) – Santurtzi (Bizkaia) (18).

Oberena (Iruñea, Nafarroa (15’5) – Mikel Gurea (Burlata, Nafarroa) (14).

Orvina B (Iruñea, Nafarroa) (15) – Portugalete (Bizkaia) (23’5).

Calasanz (Gasteiz, Araba) (14) – Egidazu (Gasteiz, Araba) (10’5).

Gros B (Donostia, Gipuzkoa) (14) – Martintxo B (Gasteiz, Araba) (9).

OBERENA – MIKEL GUREA, GATZA ETA PIPERRA IRUÑEAN

Danubio ia jaitsita dagoenez, Santurtzik erraz ziurta dezake bere etxean igoera. Puntu bat behar du. Egia erran, puntu erdia ziur aski nahikoa izanen du. Danubio, bide batez, jaitsiera berretsiko du.

Beraz, igoerako borrokak argituta ematen duenez, Oberenan izanen da interesgunea, baina ez igoerari begira, baizik eta behera begira. Oberena ongi ibili da orain arte, baina azkeneko porrotak zulora eraman dezake, argi ibiltzen ez bada. Mikel Gurea jasoko du, ez jaisteko aurkari zuzena. Gainera, tauletatik kanpo lehia handia dago bi kluben artean. Beraz, osagai guztiak neurketa ikusgarria izateko. Oberenak 15’5 puntu ditu; Mikel Gureak 14.

Orvina B, 15 puntuz, jaitsiera sahiesteko ongi kokatuta dagoela dirudi, baina liderra jasoko du eta iraulketa handia gerta daiteke. Hori bai, igoera dagoeneko eskuratua duenez, eta bidaia luzea denez, baliteke jokalaririk onenak ez ateratzea Portugaletek eta hori izanen da Iruñekoen mesedetan. Bestaldetik, nahiko sendo ari dira iruindarrak azkeneko neurketetan.

Calasanz – Egidazu derbi arabarra eta Gros B – Martintxo neurketa garrantzitsuak dira jaitsiera saihesteko. Calasanz eta Gros B faboritoak dira. Beraz, horrek areagotzen du Oberena – Mikel Gurearen neurketaren garrantzia. Baita hurrengo astekoa ere: Orvina B – Mikel Gurea.

Informazio gehiago: “https://ajedrezvasco.com/vercuadro12.php?f=torneos/230114Eusktch1D.txt”, “http://www.xake.net/2023-fva/2023_LV-EL_PD.html” eta “http://chess-results.com/tnr718786.aspx?lan=2” webguneetan.

2023-02-25.

Iturria: Internet.